Այսօր՝ ազգագարական փառատոնի շրջանակներում՝ ծնողն է հարթակում նախագծով , այցելեցինք կրթահամալիրի ծնող՝ Լուսինե Սահակյանի պապիկի թանգարան։ Սահակ Սահակյանը՝ հանրաճանաչ հայ վարպետ է և մասնակցել է բազում հայկական և միջազգային ցուցահանդեսների:
Թանգարան-արվեստանոցում մեր ճամբարականները ծանոթացան արվեստագետ — քանդակագործի թողած հարուստ ժառանգությանը: Աշխատեցին կավով, թեյախմության մասնակցեցին: Սահակ Սահակյանի յուրահատուկ ոճը և ազգային գույնը արտացոլվել է «Հայկական տիկնիկներ» մեծ շարանի մեջ:
Նա ստեղծել է փոքրիկ կիսանդրիներ, սափորներ, դիմակներ, քանդակել է Թումանյանական հեքիաթի հերոսներ և այլն: Կավե քանդակների միջոցով պատկերել է Սասունցի Դավիթ էպոսը:
Ես Էմմա Այվազյանն եմ: Աշխատում եմ «Մխիթար Սեբաստացի» կրթահամալիրում: Մասնագիտությամբ քիմիկ-էկոլոգ եմ: Կրթահամալիրում դասավանդում եմ բնագիտություն, ինչպես նաև քիմիայի ընտրությամբ գործունեության խմբում: Սիրում եմ բնագիտական փորձեր կատարել, ուսումնասիրել-բացահայտել շրջակա միջավայրը: Կրթահամալիրում գլխավոր գործունեությունս եմ համարում մեր օրերում կարծես մեռնող երկու մասնագիտությունները՝ քիմիան ու կենսաբանությունը դասավանդել հնարավորինս մատչելի ձևով՝ բերելով դեպի կյանք, որպեսզի սովորողները դրանք չհասկանան որպես վերացական առարկաններ: Հուսամ՝ ստացվում է:
Смотреть все записи автора emma89ayvazyangmail
Էմմա Այվազյանի բլոգ 